Senatorët republikanë kanë shprehur kundërshtim të thellë ndaj tarifave të kërcënuara të Presidentit Donald Trump për mallrat që vijnë në SHBA nga Meksika.

Në një takim të mbyllur me zyrtarët e Shtëpisë së Bardhë, senatorët thanë se po shqyrtonin lëvizjet për të bllokuar tarifat, transmeton portali arbresh.info.

Presidenti ka thënë se ka në plan të imponojë një taksë prej 5% në të gjitha mallrat meksikane nga java e ardhshme.

Trump, i cili është në një vizitë shtetërore në Mbretërinë e Bashkuar, tha se republikanët do të ishin “budallenj” për ta provuar dhe ndaluar atë.

Sipas propozimeve të presidentit, tarifat do të rriteshin me 5% çdo muaj, duke arritur në 25% në tetor nëse Meksika nuk do të vepronte për të ndaluar migrantët që po kalonin kufirin jugor.

“Nuk ka shumë mbështetje në konferencën time për tarifat, kjo është e sigurt”, tha udhëheqësi i shumicës së Senatit, Mitch McConnell.

Por ai nuk pranoi të konfirmojë nëse partia e tij do të hartojë një masë për të bllokuar tarifat e z. Trump që të hyjnë në fuqi./Arbresh.info/